:: الـجــــزء الثاني :: قصهـ ريم <<< روعهـ لا تفوتكم

[║ ĦάฬάẃЎ ║]

:: الجــزء الثــاني ::

اليوم: الاربعاء..الساعة:12 بالليل..المكان:بيت ريم..

ريم: اففففففف اخيرآ..رجعت البيت..وهالبزران نامو اعوذ بالله ما ينامون الا بالمطاق..

(طبعا الحين ريم بعد ما تأكدت من ان كل اللي في البيت نايمين وخاصة امها..توجهت للكمبيوتر كعادتها

وأنتم عارفين وش راح تسوي كالعادة..يلا نشوف)

ريم: اهلييييييين شباب وبنات كيفكم ؟! طبعا مثل ما وعدتكم العصر يعني ما شاء الله علي انا عند

وعدي..(وكالعادة نفس المواضيع ونفس الكلام ونفس الحالة)..بس في هالوقت كان يوسف ينتظر على

احر من الجمر انه ريم تدخل..شافها..قرا اسمها..مررررة انبسط وراح يكلمها..بس تردد !! خاف ما

تذكره..خاف ما ترد عليه..بس بالاخير تشجع وتوكل على ربه وكلمها..

يوسف: السلام عليكم

ريم: اهليييين وعليكم السلام

ريم: اهاااا عرفتك انت اللي اليوم كلمتني وانا كنت بطلع معليش اعذرني..

(يوسف مرررررة انبسط انها تذكرته)

يوسف: ايه انا..لا عادي عاذرك بدون ما تقولين..بس ما كنت متوقع تتذكريني

ريم: افاااا..وش دعوة تراني ريم..

يوسف: والنعم والله بريم..لا يكون ازعجتك او عطلتك عن الشات والناس؟!

ريم: لالا عادي لاحقة على المضارب..اصلا الشات اليوم طفش ما عندهم ما عند جدتي ( طول اليوم

بالشات وتقول ما عندهم ما عند جدتي)

يوسف: لا من جد انا ما ابي اسولف معاك وانتي ودك تسولفين معاهم خذي راحتك وانا انتظرك متى ما

خلصتي انا موجود..

ريم: يااااخي قلت لك مابي اسولف معهم غصب هو؟!

(ريم ما تبي تسولف معاه لله بس فيه واحد بالشات تتهرب منه ولا تبيه ينتبه لها مع العالم )..

ريم: لا يكون انت ما تبي تسولف معاي بس ودك تلزقها فيني..ترى عادي اعترف..

يوسف: هههههه انا ؟؟ لا والله حرام عليك انا ما ودي اسولف معاك ؟؟ والله ما صدقت بس اتجرأ

واكلمك لا والاحلى من هذا انك رديتي علي

ريم: افففف لهالدرجة انا اخوف..اثري اخوف وانا مدري

يوسف:لا والله ما امزح كنت متردد كثييير قبل لا اكلمك..وحاس انك بتهزئيني

ريم:لا وش دعوة ترى انا ملسوووووونة..بس كله مزح ولعب مو اكثر من كذا..

يوسف: ايه مو القصد كذا بس انتي لك هيبة يعني شخصيتك قوية..

ريم: انا شخصيتي قوية ايه هيييييين...بس بس ترى اخذ بنفسي مقلب ويكبر راسي..

يوسف: يحق لك اذا انتي ما شفتي نفسك اجل مين يشوف نفسه ؟!

(ريم ما قدرت تهزئه زي باقي الناس اللي اول ما يقولون كلمة او حتى يلمحون بمدحة لريم قلبت الدنيا

على روسهم فسكتت ولا تكلمت)

يوسف قطع السكوت..

يوسف: ريم

ريم :هلا

يوسف :اقولك شي ولا تستغربين ؟؟

ريم:قووول

يوسف: انا صار لي تقريبا اسبوعين وانا اراقب كلامك..ما اقصد الكلمة بمعناها بس اللي اقصده اني

اتفرج على كل كلمة تقولينها..وكل تصرف تسوينه..وعرفت انك غير البنات اللي هنا..

ريم: !!!!!!!!!!!!

يوسف: لا تستغربين انا اكلمك جد..يعني انتي الوحيدة اللي ما تتكلمين بالطريقة اللي يتكلمون فيها باقي

البنات..حتى اول كم يوم ما صدقت انك بنت كنت متاكد انك ولد..بس الحين تأكدت انك بنت..مهما حاولتي

تخفين

انك بنت يبان بين الكلام اللي تقولينه..

ريم: الحييين قاعد تتكلم عني انا !!

يوسف: ايه...مو انتي ريم ؟؟ ههههه

ريم: الا هذا اللي خابرته

يوسف: اجل انتي..

ريم: طيب يوسف ممكن سؤال ؟!

يوسف: تفضلي

ريم: الحين انت على قولتك شايف كلامي لك اكثر من اسبوعين..ليه انا ولا مررررررة وحدة شفتك

تتكلم مع الناس يعني انا اصلا ما دريت انك موجود الا اليوم؟؟

يوسف:ما عندي الجرأة اني اتكلم بالطريقة اللي تتكلمون فيها..مو لسبب معين ولا لاني اكره المزح

بالعكس..انا احب اقرا الكلام واضحك على اشياء معينة..بعدين على فكرة انا ما ادخل بس الشات..ادخل

مواقع تفيدني..

منتديات تسليني..يعني اشغل وقتي باكثر من شي..بس انتي مررة لفتي انتباهي وخليتيني اركز على

كلامك واتجرأ اكلمك..

ريم تقول بنفسها ( والله اللي موب انا ووجهي)

ريم: اها ما شاء الله اجل موب مثلي اللي ما اصبر اسكت وانا بالشات لازم احوس العالم..

يوسف:هههههه

(ريم مستغربة من هالولد..يعني مو معقولة يكون كلامه صادق ؟؟

قاعدة تفكر وتقول..هالولد يا انه صااااااادق..او انه شااااطر في اللعب بعقول البنات..والحين جا دوري

يلعب علي..ايه نشوف.. يلعب بعقول الناس كلهم الا عقلي انا..انا محد يلعب علي)

يوسف: ريم

ريم: هلا

يوسف:انا عندي اسئلة كثيرة بس ما ودي اسئلها كلها مرة وحدة كاننا بامتحان..ان شاء الله من

سواليفنا الااقي الاجابات..

ريم: يووووووه لا تذكرني بالامتحانات..ايه عادي اسئل اللي تبي لكن بحدود..ومثل ما لك الحرية انك

تسال لي الحرية اني اجاوب اوكي ؟

يوسف:ايه وش دعوة..بس انا ابي اقولك شي انتي بعد يحق لك تسأليني اللي تبين وبدوووون حدود..

ريم:طيب..


(سكوووووت ولا احد يتكلم كل واحد ينتظر الثاني يبدا)

ريم:اييييه وكيفك بعد ؟؟

يوسف:تمام..هااه ما ودك تسولفين مع الناس ولا حتى تشقرين عليهم؟

ريم: لا خلاص مدري وش فيني اليوم ما لي خلقهم..اكيد حسدوني

بس على ايش يا حسرة..

يوسف:ريم..لاحظت شي..

ريم: وشووو ؟؟

يوسف:بالبرايفيت(الخاص) انتي مرررة غير اذا تكلمتي مع الناس..

ريم: غير!! كيف غير

ريم: يوووه اذن لازم اطلع معليش لازم اروح اقوم امي وابوي للصلاة والا صفقوني..


يوسف: ريم لحظة

ريم:لالا اسفة معليش لازم اطلع اشوووووفك بعدين لازم تقولي وش هالشي اللي غير!! مع اني عارفة

ان اللقافة بتاكلني من هنا لبكرة.

يوسف:هههههه لا بسم الله عليك..

ريم: يله تصبح على خير..ولا تنسى الصلاة

يوسف: وانتي من اهله..ان شاء الله

ريم :بااااااااااااي

يوسف: فمان الله

[تَـآاجْ الحُـبّ ♥]..]

تسلم الهواوي على القصه

الف شكر لك

[║ ĦάฬάẃЎ ║]

تسلم تاجنا عــ المروور

[ll 3body ll]

الهواوي تستهبل أنت ووجهك:s-12:

ياخي ارسلي على الخاص وش كان يبي يقول يوسف؟؟

<<< اللقافه بتذبحني وانا اخوك هههههه

تسلم هواوينا ولاعدمناك ..

[أسير عيونكـ]

هووووووواوي ابلعن خامسك

تكفى وش كان بيقولها <<< وجعه بطنه :s-111:

ننتظر التكمله وعجل علينا لالعن خامسك << متفلت اليووم هههههههه

مشكووووور حوووووووبي

[سهم المحبه]

ياعيني عليكـ يا الهواوي ..

تصدق اني جلست اقراها مررهـ ثانيهـ

يسلمووووووووووووو هواوي

[3ziz]

الهواوي بسرررررررعه وش بقوووووله

قصهـ رووووعه

الله يعطيك العافيه

الف شكر لك

[لملم جروحك]

تسلم هواوينا على القصه ..


لاعدمناك يابعدهم

[بقايا عاشق]

يسلمؤؤؤ حبوب صج انك زقرتي

قصة روعه يامعود

ناطرين يديك

[LetK T7s]

صراحه القصه طويله وماقدرت اقراها كاملة بس بدايتها حلوه
تقبل مروري المتواضع

[║ ĦάฬάẃЎ ║]

مشكورين عــ التشطيف

واعذوني ابتأخر في تنزيل الجزء الثالث

الف شكر لكـ

[صاح ـب السموـو]

عبودي واسير

انا اقترح نججره بكره عند الفكتوريا ونوريه شغله

ومشكور حبيب قلبي على القصه

وعجل بالباقي

تحياتي لك

[║ ĦάฬάẃЎ ║]

^ ^
^ ^
شكلك تمزحوووووووون

ياشين استهبالاتكم واللهـ <<< خايف

وشاكر لكـ عــ المرور

[دلوعه اسبشل]

يعطيك العافيه
قصة روعه

[جريح الحب]

رووعهـ واللهـ انا بتابعها ياليت تخلص علينا بالاجزاء الجايهـ

الف شكر لكـ

[║ ĦάฬάẃЎ ║]

مشكورين عـ المرور