ضيفهـ كـرسـي الاعتـرافــ ~~ هـنا أسئـلـتـكم ~~ [الأرشيف]

smooal-7oob

18-04-2006, 08:43 PM

بسم اللهـ الرحمن الرحيم

بعد الـتصـويت الحامي .. وبعد التعادل ..
رجح الأعــــضــــاء كفة كاتمهـ العبرهـ ..
لتصبح هي الضيفهـ الأولـى لـــ كـــرســــي الاعــــــتراف

نتمنى من الأعـــضاء طرح أسئلتهم هنا ..
بشرط ان لا يتعدى 3 أسئلهـ لكل عضو ..
وسـوف تجيب عليكم كـتومهـ ان شاء الله ..
والعضوهـ لها الحق في عدم الاجابه عن اي سؤال تراه غير مناسب ..

تـنـويـهـ :
راح تكون كتومهـ الضيفه الى يوم الجمعهـ ..
وطرح الاسئله الى هذا اليوم بعده سيغلق الموضوع ..
وراح يكون فيه تصويت ثاني لعضو آخـر ..

لكم مني أرق وأعذب تـحـيـهـ ,,

قلب أدمته الجراح

18-04-2006, 08:47 PM

أوكي نقول بسم الله..
1-هل تصنفين نفسك (أنسانه سعيده بالحياه)
2-هل انتي قنوعه
3-صفه او طبع سيئ أستطعتي التخلي عنه

*أبضااااي المنتدى*

دندوشه2030

18-04-2006, 09:13 PM

س:كلمات تحبين انك تقولينها دايم؟؟

س:تحسين دايم انك تفكرين بعقلك أو بقلبك؟؟

س:لو عندك صديقه وفجأه وبدون مقدمات تغيرت عليك ؟؟ وش شعورك ووش تسويين؟؟

واتمنى لك التفيق والنجاح
معلمتك: دندوشه2030
<<< ماعليكم من أخر سطرين هذا تأثير الاختبارات
خهخهخهخهخهخهخهخهخهخه

وونتظرك كتوومتنا

ويسلموو سموالحب على الطرح

غرام احباب

18-04-2006, 09:32 PM

اهلين كاتمة
سؤالي حول إمكانية تقديم نبذة شخصية عنك .
مرهـ شكرا

عزوز

19-04-2006, 02:02 AM

1-الاحظ في كثير من ردودك شيئاً من الحزن لماذ هذا الحزن ؟؟؟!!!

2- هل أنتي راضيه عن مايطرح في المنتدى من مواضيع؟؟

3- بحكم أنكي أداريه في المنتدى لماذا لاتفعلون شات المنتدى www.smooal-7oob.com

أتمنى لكي التوفيق في حياتك ...

وتقبلي تحياتي
مش ولابد

"..wALiD.."

19-04-2006, 03:51 AM

|--*¨®¨*--|الغالية كاتمة العبرة .|--*¨®¨*--|
سأبدا في طرح الاسئلة واستحمليني غاليتي .

1/هل شخصيـتك داخل المنتدى هي شخصيتـك خارج المنتدى ؟
2/ استشفيت من بعض الردود انك انسانه صريحة وواضحة ..
مامدى نجاح الوضوح والصراحة في حياتـك .؟
3/من أين تستمدين قوتك ؟؟وأين تقضي لحظات ضعفك ؟
عذرا على الاطالة غاليتي .
اصدق التحايا .

كفكف دموعكـ

19-04-2006, 04:16 AM

هلا باالغالية

سؤالي الاول

1
حلم تتمنين الوصول له ؟؟؟؟

2

شخصية انتي مُعجبهـ فيها ( طبعا في حياتكـ ) أو نقول
شخصية تأثرتي منها ؟؟؟؟؟؟

3

مثل او بيت شعر و خاطرهـ
أعجبتكـ
وتحاولين انكـ تسيرين عليها في حياتكـ

وكل الامنيات بالتوفيق لكـ دنيا وآخرهـ يا غاليهـ

ملقوفه2030

19-04-2006, 08:52 AM

هلا والله وغلااا بأختي كتوووومهـ ....

واسدح لتس اسألتي بذاااا:
7
7
7
7
1-في حد في المنتدى يقربلك غير أمرأهـ في عيون رجل ؟؟؟؟<<<ابووووووك ياللقافهـ هع

2-اوصف نفسك بكلمه وحده ؟؟؟

3-في رأيك ماهو الاقسى .. بكاء العين ام بكاء القلب؟ ولماذا؟

وكنت اتمنى اني اقدر احط اكثر من 3 اسئلهـ 8_8 عندي اسئلهـ كثيرهـ هع هع

ويالله خيتووو ننتظر اجوبتك ..........

واتمنى لك التوفيق في حياتك ..كتومتي ..

سلااااااااااااام خالتكم...

نصابه2030

19-04-2006, 05:26 PM

وش ذا سموالحب اووووووب على كيفك ثلاث اسئله بس<< بيتفقع وجهه هع هع

طيب أنا برووووووووووووح اجيب اسئلتي وأسدحن بذااا

عشااااااااااان خااااااااااااطر كتومتي بس ...

ولا أنا زعلاااااااااااانهـ عليكم ...<< تبي اسئلهـ أكثر

ولا أنا اوووب جايبه اسئله بس ثلاثه وين اصرفه بالله علييييييييييييكم

<< تتحرش بالاداااااااااارهـ وبقووووووووووووووهـ خخخخخخخخخخخخخخخخخخخخ

يالله سلااااااااااااااااااااااااااااااام

!..صخب انثى..!

19-04-2006, 06:00 PM

ولا أنا زعلاااااااااااانهـ عليكم ...<< تبي اسئلهـ أكثر

>>> ماشاء الله عليك

>>> انا الحين ابقعد اعصر مخي عشان اجيب 3 اسئله...

------------------------

اسئلتـــــــــــــــــــــــــي :.

* كيف تعرفتي على منتدى سمو الحب ...؟؟؟

* اش هي نظرتك للزواج اللي يتم بعد معرفه مسبقه وقصه حب...؟؟؟؟ وهل تؤمنين فيه...؟؟؟

وآخر سؤال:.

* تعرفين اختي ست البنات >>> ترى هي معك بنفس الجامعه ...؟؟؟ هههههههه

تشاوااااااااااااااااااااااااااتي

دج دج

سلطان الذوق

19-04-2006, 10:46 PM

يسلمووووووووووووووو سمو الحب .

من متى وانت تعرفين النت ؟
اهتماماتـك في حياتـك ؟
موقف طريف في حياتك ؟

لملم جروحك

20-04-2006, 05:46 AM

هلا وغلا كاتمة .. تو ما نور هالموضوع والله .
سؤالي . او اسئلتي :s-35:
متى تغضب كاتمة ومتى تتساهل ؟
شخصية كاتمة الداخلية بثلاث كلمات .؟
وتسلمين مقدما ولاعدمنا طلتـك يالغلا .

ساعي البريد

20-04-2006, 07:56 AM

بسم الله ابداء

س1 : بكل صراحة وش افضل ان تكوني عضوهـ أو ادارية ؟

س2 : اخر مرة سقطتك دمعتك متى ؟ <<< اختياري تقدرين ماتجاوبين

س3 : هل انتي راضية عن تخصصك بالدراسة و وش كنتي تتمنين انك تدرسين ؟

تحياتي لك وبالتوفيق ...

اخوكم ساعي البريد ...

smooal-7oob

20-04-2006, 08:04 AM

تنــــويـــهـ :

سوف تتأخر كاتمة العبرة عن الاجابة على الاسئله لظروف السفر ..
على أن تكون متواجدهـ للاجابه على أسئلتكم يوم الجمعة القادم باذن الله ..
لذلك راح تمدد فترة طرح الاسئلة لمدة أسبوع ..

بانتظار رجوعها بالسلامهـ ..
شاكر ومقدر تفهمكم وتواصلكم ..

لكم مني أرق وأعذب تـحـيـهـ ,,,

لملم جروحك

20-04-2006, 08:10 AM

تسلم سمو الحب على التوضيح .. والله يرجعهـا بالسلامه مشتاقين لهـا في المنتدى والله .

ساعي البريد

20-04-2006, 08:13 AM

تروح وترجع بالسلامة ان شالله

يسلموا اخوي سمو الحب على التوضيح .

تحياتي

اخوكم ساعي البريد ...

20-04-2006, 10:18 AM

تروح وترجع بالسلامة كاتمة العبرة ومشكور اخوي سمو الحب على التنويه

وهذي أسئلتي

1- ليش ليش مدري عاد وش اسوي الله أعلم

2- من أكثر شخص تحبينه في المنتدى <<< في الله لحد يفهم غلط

3- ليش عبودي خبل وراسة كبير<<< مسوي طالع منها

بس هذي أسئلتي والله يرجعك بالسلامة ان شاء الله

تقبلو تحياتي<<< موب غصب تتقبلونها تحياتي ترى

كفكف دموعكـ

20-04-2006, 06:10 PM

ترجع لنا بالسلامهـ كاتمة
واشكركـ على التوضيح سمو
لاعدمناكـ

!..صخب انثى..!

20-04-2006, 09:13 PM

ترجع بالسلامه الغلا

ثانكس عالتوضيح

تشاواااااااااااااااااااااتي

دج دج

أمــــــير الــذوق

20-04-2006, 09:37 PM

سؤالي الوحيد هو
ماهو طموحك للمستقبل
تقبلي خالص تحياتي

نصابه2030

21-04-2006, 03:25 PM

تروح وترجع بالسلاااااااااااامهـ ...

أهلين كتومهـ ..

أخباااااارك ؟؟ وأخبار السفرهت معك..؟؟<< عدوة القافهـ تنقلت للجمبع ههههههههههههه

*عالم الطفولة عالم رائع من الذكريات والبراءة ماذا تحمل ذاكرة كاتمة العبره من مشاهد الطفولة؟

*وش كان شعورك لما عرفت انك انتي ضيفة كرسي الاعتراف!!

اخيرا..<< هو فيهـ اخيرا خخخخخخخخخخ

* وش رايتس بقروب(2030) بصرااااااااااحهـ ...

سلااااااااااااااااااااااااااااام

D R A G O N

21-04-2006, 05:38 PM

مرحبا للجميع ...

س - مثل يعجبك وتتبعينه في حياتك !!

س - الحياة دعاه تسير بيدك لا بقلبك ؟؟ شرايك بالمقوله هذي !!

س - صفه في شخصيتك غامضه !!

مع تحياتي

ليل المواجع

22-04-2006, 08:34 AM

بسم الله الرحمن الرحيم

أولا ,, أعتذر للجميع على تأخري بالرد على الاسئله

لكن ومثل ماوضح لكم مشكور أخوي smooal-7oob كنت مسافره

واللـــــه يسلم الجميع أنشاءالله..

^_^

طيب ندخل بالمهم

وأبدا

][][§¤°^°¤§][][بالبطاقه الشخصيه ][][§¤°^°¤§][][

الاسم :كاتمة العبرة

الجنسيه :ســعــ بنت الجنوب ـــوديــه

العمر: 20

الحاله الاجتماعيه: آنسه

طالبه بجامعة الملك فيصل

<<< وإذا نقّصت شئ ,, نبهوني انتوا تأمرون أمر

^_^

ليل المواجع

22-04-2006, 08:41 AM

][][§¤°^°¤§][][أخوي قلب ادمته الجراح][][§¤°^°¤§][][

1-هل تصنفين نفسك (أنسانه سعيده بالحياه)

بل أصنف نفسي ( انسانه راضيه بحياتها .. وسعيده كيفـما تكون )

2-هل انتي قنوعه

جداً ولله الحمد فـ (القناعه كنز لا يفنى)

3-صفه او طبع سيئ أستطعتي التخلي عنه

صفه .. السرحان ( مفهيه بالعربي! )بس الحمد لله الحين لا للسرحان !!

لك كل الشكر خيووو قلب أدمته الجراح

ليل المواجع

22-04-2006, 08:53 AM

][][§¤°^°¤§][][دندوشه2030][][§¤°^°¤§][][

س:كلمات تحبين انك تقولينها دايم؟؟

مافيه كلمات معينه أرددها !

س:تحسين دايم انك تفكرين بعقلك أو بقلبك؟؟

دايم أوزن الامور بعقلي .. لأنه الاصح

لكن في بعض الامور العاطفيه تفكير القلب يطغى

وبالغالب استخدم عقلي أكثر من قلبي ..

س:لو عندك صديقه وفجأه وبدون مقدمات تغيرت عليك ؟؟ وش شعورك ووش تسويين؟؟

شعور لايمكن أقدر أوصله لك لأني انسانه أتعلق بإلي أحبهم .. وعموما انا مريت بهالموقف

بالبداية قعدت مع نفسي اراجع حساباتي لايكون انا ضايقتها بشئ ,,

بعدها قعدت معاها عشان أفهم منها سبب تغيرها ولما ماشفت سبب مقنع ..

سكت وأنسحبت بما تبقى من كرامتي (( من عافنا عفناه لو كان غالي )) ومامرت سنه إلا رجعنا

مثل أول وأحسن .. العلاقات مليئه بالمطبات خيتووو دندش بس انتي لازم تعرفين كيف تتعاملين معاها

واهم شئ تصبرين .

واتمنى لك التفيق والنجاح
معلمتك: دندوشه2030
<<< ماعليكم من أخر سطرين هذا تأثير الاختبارات
خهخهخهخهخهخهخهخهخهخه

<<<< عندنا وعندكم خير ههههههههههه

تشكرات حبوبتي على هالطله الحلوه

ليل المواجع

22-04-2006, 09:12 AM

][][§¤°^°¤§][][الغاليه غرام أحباب][][§¤°^°¤§][][

*سؤالي حول إمكانية تقديم نبذة شخصية عنك .

ولواني كنت اتمنى يكون السؤال محدد أكثر عشان يكون أوضح لي ولك

لكن لجل عين تكرم مدينه يالغاليه .. بس راح نعطيك المفيد لأني بصراحه ماأحب اتكلم عن نفسي..

طيب

حول شخصيتي
انا بنت مثل اي بنت .. طموحه دراسياً وعلمياً .. صريحه مع كل من حولي

مزاجيه .. واحيانا ثقيله .. طيبه .. حيويه (خجوله جداً) .. كتومه .. هادئه

حول يومياتي
احب أقوم بدري وأقعد على النت .. أقوم أفطر مع الوالده

طبعا بعدها دوامي بالجامعه ..أرجع أقعد مع الاهل شوي ..

بعدين أذاكر لأختي الصغيره .. وأروح أعشيها وانومها بعدين أشوف نفسي بمذاكرتي

وانام حول الساعه 1 إلى 2 .. طبعا بعد ماأقرا روايه أو اكتب خاطره

<<< هذا روتيني اليومي تقريباً

امممممممممممممممممممممم
والله ماأدري وش أذكر لك بعد لكن إذا ببالك سؤال معين حياك يالغاليه

^_^

ليل المواجع

22-04-2006, 09:21 AM

][][§¤°^°¤§][][الاخ مش ولا بد][][§¤°^°¤§][][

1-الاحظ في كثير من ردودك شيئاً من الحزن لماذ هذا الحزن ؟؟؟!!!

يمكن لأن الحزن مستحوذ على جزء من ذاتي .. ..من الكتمان

ومع الوقت أنعكس على ردودي .. لكن انا عموما لما أبي ابتسم قادره أني أسعد نفسي

ولما أبي أقفل باب الحزن قادره ابعد الحزن عني.. يعني عندي القدره على التحكم بمشاعري .

2- هل أنتي راضيه عن مايطرح في المنتدى من مواضيع؟؟

راضيه قليله .. .. بل فخوره بكل قلم شارك في سمو الحب ..

ولكني فقط اتمنى أن يزداد عدد المواضيع الحامله لأسماء أصحابها

أكثر من المنقوله .

3- بحكم أنكي أداريه في المنتدى لماذا لاتفعلون شات المنتدى www.smooal-7oob.com

الفكره موجوده ,, لكنها تحت الدراسه

وبالنسبه لرأيي الشخصي أرفض الشات وبشده !

لك كل الشكر

ليل المواجع

22-04-2006, 08:00 PM

][][§¤°^°¤§][][الاخ private][][§¤°^°¤§][][

1/هل شخصيـتك داخل المنتدى هي شخصيتـك خارج المنتدى ؟

بنسبة 95% نفس الشخصيه لأني مهما حاولت أغير بشخصيتي فلن أستطيع الاستمرار

فأنا بالنهايه لا أخدعكم بل أخدع نفسي ..

ولكن .. نسبة الــ 5% المختلفه هي مايفرضة عالم النت على الفتاه من تحفظات .

2/ استشفيت من بعض الردود انك انسانه صريحة وواضحة ..
مامدى نجاح الوضوح والصراحة في حياتـك .؟

لا أخفي عليك أخوي برايفت .. أن صراحتي كانت أحد أسباب هدم بعض علاقاتي

مع أني حريصه كل الحرص على ان لاتتعدى صراحتي حدود الادب وأن لاتكون جارحه

ولكن تبقى الصراحه شئ مرفوض عند الاغلبيه .. وكثرة المجاملات .. والكذب والنفاق

هي موضة العصر..

3/من أين تستمدين قوتك ؟؟وأين تقضي لحظات ضعفك ؟

استمد قوتي.. من شخصيتي .. وثقتي بنفسي .. وثقة من حولي بي .

أما لحظات ضعفي ,, أقضيها مع نفسي .. ونفسي فقط .. في غرفتي

مع قلمي ودفتري ولا أتنفس إلا بين أوراقي .. أحب كتابة الخواطر في هذه اللحظات

كوسيله لأخراج مابداخلي .. فأنا "كاتمه"

لا إطاله ولا شئ أسعدني حظورك

^_^

غرام احباب

22-04-2006, 08:50 PM

كاتمة مرهـ شكرا على اجابتـك .

ليل المواجع

22-04-2006, 09:03 PM

][][§¤°^°¤§][][الاخ كفكف دموعك][][§¤°^°¤§][][

1
حلم تتمنين الوصول له ؟؟؟؟

اتخرج اليوم قبل بكره بمعدل عالي <<< أحلامها كبيره !

2

شخصية انتي مُعجبهـ فيها ( طبعا في حياتكـ ) أو نقول
شخصية تأثرتي منها ؟؟؟؟؟؟

الشخصيات المثيره للأهتمام وإلي جذبتني بصراحه كثير بالمنتدى منها:
أخوي برايفت <<<يعجبني ثقله
أخوي عبودي ولملم <<<تعجبني عفويتهم وطيبتهم
أخوي كفكف <<< يعجبني تعامله مع إلي حوله
حبايب قلبي بنات 2030 <<< اموووت برجتهم

والله لا يخليني منكم جميع..

وبصراحه مافيه شخصيه تأثرت فيها لأن أحب أكون "كاتمه" فقط بشخصيتها المنفرده !

3

مثل او بيت شعر و خاطرهـ
أعجبتكـ
وتحاولين انكـ تسيرين عليها في حياتكـ

بيت شعر أعجبني:

علمـــتـهُ الرِمايـــــة كُـل يومٍ <><><> فــلما أشتـــد ساعِـــده رمـــــــانـي

مثل أمشي عليه:

((أحـــــــذر عدوك مره ,, ,, وصديــــــقك ألف مره))

(( لا تنتظر ان تبتسم لك الحياه كي تبتسم .. .. بل أبتسم كي ترى الحياه مبتسمه ))
<< من أمثالي الخطيره ههههههههه

لك كل الشكر اخوي كفكف
لاعدمتك

ليل المواجع

22-04-2006, 09:14 PM

][][§¤°^°¤§][][ملقوفه2030][][§¤°^°¤§][][

1-في حد في المنتدى يقربلك غير أمرأهـ في عيون رجل ؟؟؟؟<<<ابووووووك ياللقافهـ هع

لا .. بس عيونها قلب رجال << بنت عمي !

^_^

2-اوصف نفسك بكلمه وحده ؟؟؟

> كاتمه <

3-في رأيك ماهو الاقسى .. بكاء العين ام بكاء القلب؟ ولماذا؟

بكاء القلب أقسى وامّر .. لأن بكاء العين سهل نمسح دمعاتها

لكن,,

بكاء القلب .. كيف تمسحين قطرات دم .. من جــــــــرح غالــــــي !

نورتي حبوبتي ملقوفه

^_^

ليل المواجع

22-04-2006, 09:21 PM

ليل المواجع

22-04-2006, 09:39 PM

][][§¤°^°¤§][][دجاجه منتفه][][§¤°^°¤§][][

اسئلتـــــــــــــــــــــــــي :.

* كيف تعرفتي على منتدى سمو الحب ...؟؟؟

أشتركت فيه بدعوه من أخوي عبودي الله يحفظه.

* اش هي نظرتك للزواج اللي يتم بعد معرفه مسبقه وقصه حب...؟؟؟؟ وهل تؤمنين فيه...؟؟؟

حبوبتي دج دج .. لو جينا نتكلم من ناحية (العادات والتقاليد بمجتمعنا):

هذا شئ مرفوض ولا فيه مجال للنقاش ..

ولو بنتكلم (بالعقل والمنطق):

على أي اساس نشأت قصة الحب هذي .. لو فرضنا أنهم أقرباء صدقيني ماراح يكون أكثر

من مجرد >أعجاب< .. لأنه مستحيل يتطور لدرجه الحب إلا إذا كان فيه أتصال بينهم

وهذا شئ محرم لأننا مسلمين ..

ولو جينا للشباب والبنات إلي يكلمون بعض (مع أحترامي للجميع) ..

عاد هذي واضحه والقصص عليها

كثير للأسف بس الله يحفظنا ويحفظ بناتنا ماعمره صارت قصه ان ولد تعرف على بنت وبالاخير

تزوجها لسبب بسيط ووجيه :(( بيقول مثل مارضت أنها تكلمني ..

راح يكون عادي عندها تكلم غيري ومو هذي المره إلي يحلم بها تكون زوجته وأم عياله ))

و بكل الحالات هي:

{علاقه محرمه من وين بيجي التوفيق من الله والعلاقه من البداية بدأت على معصيه!!

دج دج اي بناء بالدنيا عشان يعمّر (يطول عمره) لازم يكون أساسه مبني صح وعلى اسس صح

حتى بالعلاقات الاجتماعيه عشان تعمّر لازم تكون مبنيه على اساس صحيح }.

وآخر سؤال:.

* تعرفين اختي ست البنات >>> ترى هي معك بنفس الجامعه ...؟؟؟ هههههههه

واللــــــه توني أدري انها معي بنفس الجامعه

سلميلي عليها كثييييير وياليت نشوفها قريب بالمنتدى

والله يوفق الجميع

لك كل الحب غاليتي دج دج

"..wALiD.."

23-04-2006, 02:47 AM

|--*¨®¨*--|الغالية كاتمة العبرة ..|--*¨®¨*--|

تسجيل شكر واعجاب على صراحتـك وراحبـه صدرك .
اصدق التحايا .

لملم جروحك

23-04-2006, 06:46 AM

تسلمين يالغلا .. تعبناك معنـا كتومة .

D R A G O N

23-04-2006, 05:56 PM

مشكووووووره اختي على صرااحتك

!..صخب انثى..!

23-04-2006, 07:46 PM

مشكوووووووووووووووووره بالحيييييييييييييل يا احلى بنوته >>> عقبال مااشوفك في الجامعه السنه الجايه لامني تخرجت ههههههههههههههه

>> صراااااااحه ... انتي تعجبينـــــــــــــي بالحييييل.... مبين عليك عاقله ومثقفه.. :)

الله يوفقكـ

تشاوااااااااااااااااااااااتي

دج دج

smooal-7oob

24-04-2006, 01:46 AM

كل الشكر لك ياكاتمهـ ...
على رحابة صدرك .. و سعة بالك ..
والنقاوهـ اللي باينه من صراحتك في الاجابهـ ,,,

لك مني أرق وأعذب تـحـيـهـ ,,,,

ليل المواجع

24-04-2006, 04:18 PM

][][§¤°^°¤§][][الاخ سلطان الذوق][][§¤°^°¤§][][

1-من متى وانت تعرفين النت ؟

اعرف النت من أول ماطلع شئ اسمه نت

لكن بداية تعلقي به من سنتين إلى ثلاث سنوات تقريباً

2-اهتماماتـك في حياتـك ؟

<<< سؤالك عام جداً>>>

لكن أقدر أقولك ,, أن (واجباتي الدينيه) على رأس اهتماماتي

بعدين (والديني) الله يطول بأعمارهم

بعدين (نفسي) اهتماماتي الشخصيه

وبالاخير (دراستي) !!

3-موقف طريف في حياتك ؟
اممممممممممممم

ذكرتني بموقف والله توه صاير لي يوم كنت مسافره هالويكند ,, يمكن تضحكون انتم لكن انا

والله كنت بأنفجر من القهر المهم ,, لماسافرت مع الوالد -الله يطول بعمره- طوووول الوقت وانا أقول

لأبوي ابي بيبسي وهو مو معطيني وجه ولما جا الليل قلت والله ماأنام

إلا لما أشرب بيبسي <<< عنيده راااسها ياااااابس !!

قال الوالد أمري لله : يالله قومي نروح السوبر ماركت ,,,, عاد انا قمت ركض

المهم نزلنا السوبر ماركت واول ماشفت البيبسي قلت لأبوي الله يخليك حاسب بسرعه عني بس

خاطري أفتحه الحين ويروح يحاسب ياحبي له أبوي .. فتحت البيبسي وبدال ماأرمي الغطا رميت العلبه

ملياااانه والغطا بيدي ,, ههههههه مت من القهر قلت والله لأشتري واحد ثاني وأروح ركض وأخذ

علبه ثانيه وحاسب وأعيد نفس الحركه وربي مفهييييييييه رميت العلبه ملياانه والغطا بيدي

خلاص دمعتي صارت بعيني <<< بزره ,, ,, ابوي والمحاسب ماتوااا ضحك علي

قلت هالمره والله لأشتري كرتون بيبسي ,, والوالد يحاول فيني <<< ماوده يتفشل واحنا داخلين

الفندق وكرتون البيبسي بيدي ههههههههههههههههههههه <<< أقولك راسها يابس !!

لا تضحكون علي!

ترى كنت مواصه ماأنلام <<< تحاول تلفق هههههههههه

أشكر حضورك أخوي سلطان

ليل المواجع

24-04-2006, 05:14 PM

][][§¤°^°¤§][][عمووو .. لملم جروحك][][§¤°^°¤§][][

1-متى تغضب كاتمة ومتى تتساهل ؟

ماأقدر أقولك متى أغضب بالضبط لكن .. بصوره عامه غضبي نادراً

نفس الشئ مااقدر أحدد لك بالضبط متى اتساهل

لكن ماعمري أخذت الامور بسهوله إلا قدام أختي الصغيره كل شئ يهون لجلها فديتها

وعموما في الحالتين:

"لكل مقام مقال"

2-شخصية كاتمة الداخلية بثلاث كلمات .؟

والله انا ماأحب اتكلم عن نفسي

لذلك سألت الوالد والوالده وكان ردهم

1) صريحه لأبعد الحدود <<< هذي مفروغ منها !

2) خجوله جداااااا

3) دلوووعه <<< هذي مشكوك فيها !!

والنور نورك عمو لملم

لاعدمتك

كفكف دموعكـ

24-04-2006, 06:08 PM

يعطيكـ ربي العافيه على
كل حرف كتبتيهـ
لاعدمناكـ يا غاليهـ

صاح ـب السموـو

25-04-2006, 09:09 PM

مشكوووووووووورة ياكاتمة على هالصراحة ..........

وصراحة مالقيت اسئلة ماخلو لنا شي نقوله خخخخخخخخخخه

بس لين لقيت شي ابقولة <<<<<<<<<ناشب لك خخخخخخخخخه

تحياتي

ليل المواجع

26-04-2006, 12:03 PM

][][§¤°^°¤§][][الاخ ساعي البريد][][§¤°^°¤§][][

س1 : بكل صراحة وش افضل ان تكوني عضوهـ أو ادارية ؟

والله يا خوي ساعي ماأحسها تفرق بالحيل ولا فيه شئ أفضل من شئ

وبالذات بهالمنتدى والله مو مدح ولا مجامله لكن بالفعل أخوي برايفت

أنسان متفهم لأبعد الحدود ويهمه آراء الكل من الاعضاء إلى المشرفين إلى المديرين

~ والمقياس لقيمة ووزن الشخصيه بالمنتدى ,, ياخوي ساعي ,, بالقلم مو بالمركز ~

س2 : اخر مرة سقطتك دمعتك متى ؟ <<< اختياري تقدرين ماتجاوبين

راح اجاوب لأني حالفه أجاوب على كل الاسئله <<< زين محد درى وإلا كان علوووم خخخ

يوم الخميس يوم كنت مسافره ,, لما كتبت آخر خواطري <<كنت مشتاقه للوالده>>

<<< وربي طفله هالبنت !!

س3 : هل انتي راضية عن تخصصك بالدراسة و وش كنتي تتمنين انك تدرسين ؟

الحمد لله على كل حال

لكن ..انا كنت ابي رياضيات بالكليه ,,(اموووووووت بالرياضيات)

بس فاتني التسجيل كنت مسافره وماكان قدامي إلا الجامعه

ودخلت محاسبه لأنه قريب شوي من الرياضيات.. والحمد لله ماشين تمام وهذا أهم شئ.

^_^

وحيـــــــــــاك أخوي سع سع

ليل المواجع

26-04-2006, 12:28 PM

][][§¤°^°¤§][][o2][][§¤°^°¤§][][

1- ليش ليش مدري عاد وش اسوي الله أعلم

<<< ههههههه أكبر منسم

2- من أكثر شخص تحبينه في المنتدى <<< في الله لحد يفهم غلط

كلهم أحبهم <<< ماتبي تزعل أحد

بس ~ عمو عبودي &ملقوفه & عمو برايفت &عمو كفكف & عمو لملم ~

<<< امممم لهم معزه غير كذا من الله !

^_^

3- ليش عبودي خبل وراسة كبير<<< مسوي طالع منها

لأنه يشبهك

هههههههههههههههههههههههههه

لك كل الشكر خيو أوكسجين

ليل المواجع

26-04-2006, 12:42 PM

][][§¤°^°¤§][][الاخ أمير الذوق][][§¤°^°¤§][][

سؤالي الوحيد هو
ماهو طموحك للمستقبل

مشكلتي طموحات كبيره <<< دايم تنقال لها هالكلمه !

طبعاً بعد التخرج أطمح ,, يكون لي أسم في (مجال معين)

الان الموضوع تحت الدراسه بجديه لكن راح يبدأ المشروع بعد التخرج بأذن الله

لك كل الشكر أخوي أمير الذوق

ليل المواجع

26-04-2006, 12:59 PM

][][§¤°^°¤§][][نصابه 2030][][§¤°^°¤§][][

أخباااااارك ؟؟ وأخبار السفرهت معك..؟؟<< عدوة القافهـ تنقلت للجمبع ههههههههههههه

بخير دامك بخير يالغاليه ,, ,, نسأل عن أحوالك

وأخبار السفره تسلم عليك ,, نعطيك العلوم بعدين << خخخخخخ

1*عالم الطفولة عالم رائع من الذكريات والبراءة ماذا تحمل ذاكرة كاتمة العبره من مشاهد الطفولة؟

تصدقين يانصابه اني ماأذكر نفسي وانا صغيره إلا لما أزعل او بالاصح أعاند

كنت لما أزعل <<< أروح غرفتي وأقعد بزاويه ابكي ليما تجي الوالده تراضيني ههههههه

<<< يبيلها جلد هالبنت مو رضاوه !

اذكر مره بالمدرسه بأول أبتدائي زعلت من المعلمه وبنص الحصه قمت وقعدت ورا بزاوية الفصل

ههههههههههههههه قالت لي ارجعي مكانك ,, وانا ولا كأني أسمعها << عنيده من يومها

ههههههههههههههههههههه نادوا الوالده وصارت سالفه ههههههههههههههه

بعدين الوالده قالت لهم السالفه ,, صرت لما أزعل تجي المعلمه وتراضيني هههههههههههههههههه

ممشيتهم زي الالف خخخخخخخخخخخخ

~ أخوي برايفت ،، شوف لي زاويه بالمنتدى عشان لازعلت ~

هههههههههههههههههههههههههههههههههه

2*وش كان شعورك لما عرفت انك انتي ضيفة كرسي الاعتراف!!

مبسوطه عشان الاعضاء إلي رشحوني

وزعلانه عشان الاعضاء إلي رشحوا ملقوفه ,, بس أنشاء الله تشوفونها قريب على هالكرسي

وأكثر شئ كنت متحمسه له لأسئلتكم ,, وجات مثل ماتوقعتها بالضـــــــــــــــــبــــــط

اخيرا..<< هو فيهـ اخيرا خخخخخخخخخخ

3* وش رايتس بقروب(2030) بصرااااااااااحهـ ...

<<< احلى قروب بنات قابلته بحياااااتي

الله يديم المحبه بينكم يارب,, ولا يحرمني منكم

وحيـــــــــــــــــــاك خيتووو نصابه

ليل المواجع

26-04-2006, 01:30 PM

][][§¤°^°¤§][][ُDRAGON][][§¤°^°¤§][][

س - مثل يعجبك وتتبعينه في حياتك !!

نفس سؤال أخوي كفكف تقريباً

(( أحذر عدوك مره ,, وصديقك ألف مره ))

س - الحياة دعاه تسير بيدك لا بقلبك ؟؟ شرايك بالمقوله هذي !!

صحيح ,, الحياه أقسى من أنك تمشيها وتمشي أمورك بقلبك وأعتقد المقصود باليد (العقل)

ياليت لو سمحت أخوي دراجون تجيب اسم القائل لهالمقوله إذا ماعليك كلافه !

<< أعجبتها حيييييييل

س - صفه في شخصيتك غامضه !!

خجــــــــــــــــــــــــوله جداً