مقطع تسحيب الهيئه لشــاب,,

[طيف القمر]

السلام عليكم ورحمة الله وبركاته



شوفوا هذا المقطع واشوف بتنقهرون مثلي ولا لا
هذا هنا حملته على قوقل للي حاب يشوفه بدون تحميل


http://video.google.com/videoplay?d...2847&pr=goog-sl
والي حاب يحمله من هالرابطين


http://up.eqla3.com/go.php?f=9382
http://als7af.googlepages.com/alhu2h.zip



حسبي الله ونعم الوكيل
لا شوفوا الي نط بالمرسيدس راح يسوقهااا ـ
حسبي الله ونعم الوكيل
ماصدق على الله .... له ساعه يحوم حول باب السواق عشان مايسبقه ابو عكرمة ـ
حتى لو كاااان نفترض ان الولد مديت البنت
ياخي وش هالتشهير بلله !!!!
يمين بلله ان فعلهم يخلي الواحد اعوذ بللله ماني قايل استغفر الله
والله اني ادعي ربي الي يجي اليوم الي فيه مااشوف هالقطاع ابداً
يستبدل باي قطاع اخر
قال سفينة النجاة الى سفينة التشهير
ماكأن النجاة راح تجي الا معهم محد راح يدخل الجنه الا من سفينتهم ـ
يعني بلله بتكلم عن هذا المقطع
الان الولد والبنت الي انمسكوا
والله يا اعرف ناس وسمعنا قصص كثيره عن ناس في الحالات الي مثل هذي البنت بتسلم لأهلهااا
كثير من الناس تلاقي البيت كله يتفكك
الاب يطلق الام بسبب مثل هالشيء ويقول لها انتي سويتي وفعلتي والبنت صارت بسببك ... الخ
وممكن البنت اذا ضعيف ايمانها يمكن تنتحر
وممكن اهلها اذا من ربع ( انزح وراك تراك غالي ) يمكن يذبحونها اهلهاا <<< والله الظاهر مافي ولا بنت بتتديت بعد كلامك ـ
بجد مايفكرون بالعواقب
يعني الشاب والبنت اخطئوا خطأ واحد ... وهم خطائهم عشره واكبر
والولد وش بيصير له
الولد وبعد مايستفردون فيه ابو معاذ وابو حفص بقسم الهيئة ويلعنون جده تقول ذابح واحد من اهلهم
بيسلمونه لهيئة الإدعاء والتحقيق العام وبعد ذلك بيجلد
ليتها وقفت عند هالشيء
لااااااااااااا
بيرسلون خطاب لمقر عمله ويقولون ترى مسكنا فلان بن فلان بخلوه غير شرعيه وهو كان جالس معها بمطعم ـ
يعني انوااااع التشهير ... هذا إذا مافصل من وظيفته
نفترض انه فصل من وظيفته بكره يصير سربوت ضايع بالشوارع لاوظيفه ولا راتب
بيصير حرامي بيصير .... الخ
اخرها بيدخل السجن يحكم عليه 8 سنين
بيحفظ القران ويطلع بنص المده ـ
يطلع من السجن عليه سابقه طبعا مافي احد راح يوظفه
الا مين
؟؟
الا الهيئة ـ
>>> ينفع مسلسل درامي ـ



::::::::::::::::::::::::::::::::::::::::::::::::::



جبت لكم هذا المقطع وتراني كنت حاضره المشهد بالجامعه والبنت جد كانت اخته
بس ابي اوريكم نبذه من جرم الهيئه وظلمها بعض الايام
لاننكر محاسنها بعض الاوقات..... لكن هذا المقطع للناس اللي موكفو لهذا المنصب





للامانه ملطوش

[ll 3body ll]

لاحول ولاقوة الا بالله ..


المشكله ان بعض رجال الحسبة مو كلهم عندهم


قل تعليم ومثل مايقولون فيه همجيه بالتعامل ...!!


بس بصراحه هالمقطع أشوف أنه عادي ..


أوكي واحد مشتبه فيه مثل هذا وش الحل بيكون؟؟


يعني يفرشون له الارض ورد ويقولون أركب


لو سمحت؟؟


عادي ركبوه بطريقه عاديه جداً ..


وإذا على البنت هي أخته والا لا فـ مافيه شي


يثبت العكس لرجال الهيئه ..


ياخذونه للقسم وتتضحلهم الامور هناك ..


لاهنتي طيوفه ولاعدمنا هالطله يابعدهم ..

[لملم جروحك]

الله يقويهم رجال الحسبه ..

سداين باب كبير

بعدين ليه نركز على الجانب السلبي

وننسى الجانب الايجابي

والله شيء يقهر

والله لهم افضال كبيره في ديرتنا

وحاميتهم بعد الله من اشياء كثيره

من خمور من غزل من سحر ...

مهوب ذنب الهئية ان الاعلام ما سلط

الضوء عليهم مثل باقي القطاعات

الدوريات الامنية

لا هذولي ناس تعمل لارضاء الله وبعضهم

متعاونين من دون فلوس

الله يحفظهم لنا ويحامينهم

حافظين بعد الله سبحانه وتعالى شرف بناتننا

وعفتهم

[أسير عيونكـ]

والله ياطيوفه هذا عملهم ومانقدر نقول عنهم شئ

هم دائما لهم ايجابيات ولهم سلبيات

مره يصيبون ومره يخطئون

بس انتي تخيلي لو الهيئه مهيب موجوده وشلون بيصير وضعنا هنا

عندك شباب والله العظيم مايهمهم شئ يعني ممكن نقول ان الهيئه تخوفهم شوي

مشكووووره على المقطع طيوفه

[Al Yafie Photography]

لاحول ولا قووة الابالله
تسلمي على المقطع

[ناضجة الأنوثة]

أتوقع اللي حافظنا من المصايب بعد الله هم رجال الهيئه..

يعطيك ألف عافيه على المقطع ياعسل..

و صدقني الهيئه مو خبط لزق يجيون يسحبون الواحد..

إلا ويكون الوضع فيه شبهه ما..

يعطيك ألف عافيه قلبو..

(:

[**ام السعف*و*الليف**]

بروح اسوي شاهي واجي..

هذرتس يبيلها راسن صاحي..

لي رجعه طف طف..

["..wALiD.."]

:+: طيفــ :+:


:+: عوافي ياغاليهـ :+:
//

\\

للمعلوميهـ لو صار مثل كلامكـ في الموضوع
كان نسبهـ كبيرهـ من السعوديين ضايعين
من اعمالهم ..!!

باختصار دور هيئة الامر بالمعروفـ
والنهي عن المنكـر ..

تسليمــ الشخص إلى قسم الشرطهـ
ومتابعه القضيه حتى تصل للقضاء

ولا فيهـ ابداً مرسلات بين العمل
لان القضيه عند مركز الشرطه

انا مع وجود الهيئة ومع تكثيف وجودهم
وياليت يعطونهم صلاحيات اكبر واكثر
من الموجودهـ حالياً لهم ..

لانهم في الظلم ما يخافون في الله لومهـ لائم .!
يسلم ذوقكـ ياغاليهـ

//

\\

:+: لك ودي:+:::

[تَـآاجْ الحُـبّ ♥]..]

ما طلع لي شي \\\

[سهم المحبه]

اللهـ يعطيكـ العافيهـ طيووفهـ ..

ماننكر وجود هالشئ ..

بس مانحكم عليهم بعد على غلط او ثنين ..

وجودهم بعد اللهـ حامي بناتنا وحاينا من اشياء موب في بلدنا منهم ..

تسلميييين يالغلا ..

الف شكر ..

[سلطان الذوق]

يسلموووووووووو اختي على المقطع

وانا مثل كلام السبهه سهم المحبه

ماقصرتي

[صاح ـب السموـو]

اكيد كل قطاع له مساؤء

انا مانكر ان فيه منهم جهال وتلقاه جاي على حماس

بس والله انه حامينا من اشياء كثير

والله يقويهم ان شاء الله

ولو كل قطاع غلط قلنا لازم نشيله كان شلنا الشرطه من زمان

بس لو فيه تثقيف كان حلو

ومشكوره طيف مع اني ضد كلامك :)

تحياتي لك

[3ziz]

والله ماطلع معي

بس شي منك رووعه

[لانا]

مشكوره اختي عالمقطع

بس انا اشوووووف انه طريقتهم جدا عاديه
زي طريقة المرور للشاب اللي مامعاه رخصه

وبعدين شوفيه منزل راسه لو هي اخته كان دافع شوي وواجهم او عالاقل رفع راسه

[ShoQ al3yon]

:: طيف ::

ألف شكر ع المقطع

يعطيك ألف عافيه يارب

,,

[Al Yafie Photography]

لاحول ولاقوة الا بالله ..

[الهطفه]

الله يهديهم الفئه الضاله

[أسفه شفلك غيري]

هو الحين يحمل
إذا خلص رجعت

ok

[أسفه شفلك غيري]

حسبي الله عليهم

الله لايوفقهم
الولد موب لعبه لهم
يسوون فيه كذا
لكن مابيدنا الا
كلمة ][ الله لايوفقهم يااارب ][

ولين ذا قالوا كيفهم
ماسووا شيء غلط
ألا غلطين ونص

بس مالي الا ]ب حسبي الله ونعمـ الوكيل ][

ياجعله في نار جهنم
صادقين طاش ماطاش
يوم حلقة اللحيه

يعطيك العافيه يالغلا

وزيدينا الله يسعدكـ

[الامل موجود]

قطره من بحر

ياطيف

هذا يسحبونه

وش حال اللي ذبحوهم

وهم بريئين

بسبب ان الهيئ اعتقدوا انهم يروجون مخدرات

أو يتحرشون بـ البنات


ومايملكون ادله


واللي يقهر

دايم براءه


قضيه الرجل المقتول على يد ثلاثه من رجال الحسبه

في تبوك


انتهت على ان القتل وقع خطأ لايتحملون

مسؤوليته

الله يعين بس

[الــــدبـــــه]

نحن ماعندنا الهيئه ..

نحن عندنا التحريات ..

وهالتحريات ناس عاديين ..

مثلي مثلكم ..

بس هم متخفيين ..

يشتغلون بالدس ..

بس والله التحري ينعرف من بعيد ..

تحصله لابس لك نظارة أرماني ..

وعطره شال المول بكبره ..

ولبسه ولا اكشخ ..

هههههههههههههه

ويرقم ويسوي البلاوي ..

ويوم إيي على الناس حليلهم ..

مسكهم وقال هذا سوا وهذا قال وهذا لازم ينسجن ..

مثل أخويه ..

توه أمبركن السياره ياه التحري يقوله انته رقمت بنيه ..

يالله على المركز ..

أخويه عصب ..

بس سكت لين وصل المركز ..

يوم وصل هناك ماخلوه حتى يتصل بأبويه ..

قالوا له ترا البنت أشتكت عليك وكل شي ..

وتموا يسوون لأخويه حااااااااااله مستعصيه ..

وعقبها أخويه مسك واحد من التحريات <<< ربيعه حصله بالصدفه ..

قاله السالفه وعقبها الأخ اتصل بأبويه <<< أبوها لوا ف الجيش ..

طلعوا اخويه على طول ..

والسبب أنه اخويه بريييييييييييييئ ..

والسبب هالتحريات .. >.< ..

بس في منهن الزين وفي منهن الشين ..


والسموووووحه منكم ..

وربيه يحفظكم ..

^__^

[{... تـفاصيل]

والله ماودي اتناقش في هالموضوعـ
سبق ان تناقشنا نقاش جميل بالقسم العام
مع مجموعه من الاعضااااء

شاهدت المقطع
طريقة تركيب الشخص ماكان فيها اي عنف
هو كان رافض يركب ...
وكانوا هادين معه

ما ادري هل هو مايعرفها ام لا


كلام البنت اللي تصور
تقول بفضحهم (( عيال الحرام))!!!
الله يهديها المفروض كان لسانها ارقى من كذا
بدل ماتستخدم هالالفاظ السوقيهـ


عوافي طيوفهـ

[طيف القمر]

بسم الله وش رجع هالموضوع منذو مبطي عليه غبار :s1:

ومشكورين جميعا على المرور والتعليق العسل

واسوفه شكلك ماحولك باك:s62:

[عذبة الروح]

لاحول الله..

الاخوان ماقصرو ومقدر اضيف على كلامهم ..
يعافيك ربي

[عسولة2030]

اكيد إن في الموضوع شبهه وإلا ماراح ياخذونهم من دون سبب ..!!


واللي مصوور المقطع والله ماندري عن صدقهـ او كذبهـ ..!


وصح في بعض رجال الهيئهـ مو كفو لهالمنصب ..!


بس يظل لهم فضل كبير عليناا .!



تسلم لي هالدياااااااااااااات ياحلى تيووفهـ :)