(( الحوار المثالي بين الشبــاااب و البنــااات )) [الأرشيف]

ملقوفه2030

14-03-2006, 06:06 AM

(( الحوار المثالي بين الشبــاااب و البنــااات ))

سلااااااااااام للكل شباب وبناات....:s-8:

سئمنا من كثرة الحوارات التقليدية المنغلقة و الأفكار المتقوقعة

والمواضيع المتكررة اللتي أصابتنا بالملل بسطحيتها و محدوديتها

لذلك خطرت لي فكرة هذا الحوار [ الساخن ]

وهو عبارة عن حوار مثير بين فريقين

فريق [ الرجال ]

فريق [ النساء ]

وضعتها من باب المداعبة وتخفيف حدة التوتر بين الفريقين.

هناك أمور يكرهها الرجل في المرأه أو لا يستطيع فهمها

(( و ))

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس

الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.

[ بداية الحوار ]

سيقوم فريق البنات بطرح تساؤل عن أمر معين لا يعجبه في الشباب

وسيقوم فريق الشباب بالرد وتبرير الموقف

وبعد إعطاء الإجابات والمبررات الكافية يصبح فريق الرجال في وضع

الهجوم

ويطرح سؤال على فريق البنات.....وهكذا يستمر الحوار

[ملاحظة]

يحق للجميع المشاركه وابداء الرأي

وأرجوا أن نكون مع الحق دائماً بعيداً عن الإنتماء و التحيز

(( صافرة البداية )) :s-38:

" سؤال من فريق البنــات موجه الى فريق الشباب "

لماذا يهتم الرجل بمظهره وزينته عندما يقوم بزيارة ما ويهمل زينته في

بيته وأمام زوجته؟

النقاش لكل سؤال يستمر 3 ايام

واتمنى اعطاء ارائكم ....

اعجبني ونقلته لعيونكم ....وراح اثبته لعيون ملقووفه عشان يستمر النقاش بيننا <<استخفت

حححححححححححححححححححححححححح

يالله سلااااااااااااام خالتكم ...:s-65:

ll 3body ll

14-03-2006, 06:18 AM

والله انتي بطرانه ملقوفتنا !!
موضوع من جد روووعه بالنسبه لي باتكلم عن رائيي الشخصي ومو شرط
رائيي ينطبق على الكل :
لماذا يهتم الرجل بمظهره وزينته عندما يقوم بزيارة ما ويهمل زينته في

بيته وأمام زوجته؟
بدون ادنى شك ان الانسان بطبعه يحب يكون دايم متميز وقبل ذلك
امتثالا لقوله تعالى : ( ان الله جميل يحب الجمال ) لذلك وجب علينا ان نتجمل بلباسنا واخلاقنا وفي كل شي !!
اما قولك ان الرجل يهمل زينته اما بيته وزوجته فالسبب اتوقع منكم انتم
يعني الرجال ابي افهم وش الزينه اللي يتزين بها امام زوجته ؟؟
بصراحه اشوف هالاتهام باطل لان المراه هي اللي ينبغي لها التزين للرجل
واعذريني خيتووو على الرد لاني راد بعجاله لكن ابرجع للموضوع
<< ناشب ههههههههههههه
سلااااااااام

"..wALiD.."

14-03-2006, 06:24 AM

×?°عزيزتي ملقـوفة ×?°
السؤال مع كامل الاعتذار وخالص الاحترام يجـب ان
يكـون لماذا تهتـم المرآه بمظهرها وزينتها عندما تقوم بزيارة ما وتهمل زينتها في
بيتها وأمام زوجها؟
لبس الرجل في كثيـر من الاحيـان لايخـتلف سواء داخل البيت او خارجـه
ربي يعطـيك العافيـه
خالص الحب والاحترام .

ملقوفه2030

14-03-2006, 06:30 AM

يسلمووووخيووو عبودي على ابدااء رايك ...... واحتري رجعتك شكلك تركض وانت تكتب

ومشكوور على التفاعل مع الموضووع ....

مو بس المرأه اللي تهتم بجمالها بعد الرجل لازم يهتم بجماله لأن المراه تبي تشوف زوجها متجمل لها

ويسلمووووووو

%%الأختلاف بالراي لايفسد للود قضيه%%

سلاااااام خالتكم ...

ليل المواجع

14-03-2006, 06:33 AM

موضوع جــمـيـــــــــل .. أختي ملقوفـه

أتمنـــــــى أن يكون الحوار بيـــــن الطرفين حواراً هادف

والآن أترك المجال لأخواني الاعضاء للأجابه على السؤال المطروح..

وبالتوفيـــــــق للجميــــــــع,,

لكم مني كل الاحترام

أختـــــــــكم

كاتمة العبرة

ملقوفه2030

14-03-2006, 06:38 AM

لبس الرجل في كثيـر من الاحيـان لايخـتلف سواء داخل البيت او خارجـه
8
8
يسلمووو خيو برايفت على المررور والرد ..

بس انا مااقصد بس اللبس بكل شي بتأنق والترتيب بالشكل
وليش الرجل مايتجمل باللبس لزوجته زي مالزوجه تتجمل باللبس لزوجها
المرأه تبي زوجها يكون بأحسن شكل من كل ناحيه
واجيب لك مثال لمن يروح للعزيمه يروح يحلق دقنه ويلبس احسن وانظف لبس
ويشخص بالشماغ ..طيب ليش ماتكشخ عند زوجتك يمكن هي تبي تشوفك
كاشخ ولابس مثل ماانت تبي تشوفها كاشخه ولابسه ..
ويبقى كل واحد فينا له رايه <<وهذي وجهة نظري

يسلمووو خيووو برايفت على التفاعل مع الموضوووع ..

%%الأختلاف بالراي لايفسد للود قضيه%%

سلاااااااااااام خالتكم

"..wALiD.."

14-03-2006, 06:51 AM

×?°عزيزتي الغـالية ملقـوفة ×?°
المظهـر الخارجي للرجل ولغيـره مهم جداً ...فمتى ماكان الزوج
مهندم ومرتـب في لبسـه فهذا بالتأكيد يعكس اهتمام زوجته
وحرصـها على مظهـر زوجهـا الخارجي .
بمعنـى ان الزوجـه هي التي تجهـز الثـوب ــ الشماغ ــ العطور
وغيرهـا من مستلزمات الاهتمام بالمظهـر الداخلي او الخارجي.
فالرجل اذا كان يهتـم بمظهـره عند خروجـه من البيـت فهذا يعود
الفضل إلى الزوجـه فمن باب اولى .. ان تكون هي مهتـمه
بمظهر زوجهـا عند العوده إلى المنـزل .
خلاصـة الحديث : ان الاهتمام بالمظهـر خارج البيت او داخله
االفضل يعود إلى الزوجـه ومدى حرصهـا على
اخراج زوجهـا بالمنظر اللائق والمميـز والجميل.
من تجهيـز وترتيب جميع مستلزمـاته .
اتمنى ان تكون الفـكره قد وصلـت عزيزتي
كامل الاعتذار وخالص الحب والاحترام

ملقوفه2030

14-03-2006, 07:06 AM

كلامك فيه من الصحه الكثير ...
وتبقى وجهة نظرك خيووو..
ولاتعتذر :s-8: .........ماسويت شي :s-38: ححححححححححححححححح
ويسلمووو على المرور خيووو برايفت منور الصفحه ...
ولاعدمنا مروروك .....:s-65:

%%الأختلاف بالراي لايفسد للود قضيه%%

كفكف دموعكـ

14-03-2006, 07:53 AM

اولا أصابع يديك مو سوا

ثانيا

معقوله البس كأني بأروح لزواج مثلا واجلس اتمردغ بالمجلس والا بالغرفه ؟؟؟؟؟؟؟

اقرب مثال
المرأة
هل تبقى على نفس هيأتها بكشختها طول الوقت
سواء داخل البيت او خارجه

ثالثا

الراحة النفسيه
مع انه ما يمنع ان تكون الراحه بلباس جميل إلى حد ماء

والحديث يطووووووووووووووووول

ولكت خالص التشكراااااااااااااااااااااااااات

ملقوفه2030

14-03-2006, 08:57 AM

يسلمووو خيووو برطم على الرد والتفاعل مع المووضووع ....

وانا مااقول طول وقتك اقعد بكشختك بس على الأقل كم مره تكون كاشخ خصيصآ لزوجتك ..

يسلموووو ..

سلااااااااام خالتكم ...

%%الأختلاف بالراي لايفسد للود قضيه%%

smooal-7oob

14-03-2006, 09:22 AM

المظهـر الخارجي للرجل ولغيـره مهم جداً ...فمتى ماكان الزوج
مهندم ومرتـب في لبسـه فهذا بالتأكيد يعكس اهتمام زوجته
وحرصـها على مظهـر زوجهـا الخارجي
كلام جـدا منـطقـي ...
وأعـتقـد ان مظهر الرجل مرتبط بمظهر المرأة
متى ما اهتمت الزوجة بمظهرها .. اكيد راح تهتم بمظهر زوجها ..
ومن وجهة نظري المرأة هي من يجب ان تهتم بالمظهر أكثر من الرجل
مايعني هذا ان الرجال خلاص يكون وسخ .. لا بس اهتمام المرأة ضروري اكثر من الرجل

تــانــكـيوات مــلــقــوفــات

غرام احباب

14-03-2006, 07:19 PM

في انتظار اسئلة الشباب
مرهـ شكرا ملقـوفة

!..صخب انثى..!

15-03-2006, 03:50 AM

في انتظار اسئلة الشباب
مرهـ شكرا ملقـوفة
ههههه دقيقه ابرد عالسوعال الاول ياابله..:s-8:

انا اشوف..

ان الرجل ماله داعي انه يتزين لمرته في البيت ..بعدين واذا تزين وش بيسوي..
مابيحط مكياج ولابيشيل شعر خخخخخ

اذا بيتزين بيلبس الثوب الابيض>>> واحس انه مابياخذ راحته كذا..

وعلى عكس البنت..

عالاقل تقدر تحط مكياج

تقدر تغير في ملابسها بناطيل تنانير قصار >> اشياء هي ترتاح بلبسها في البيت..

يعني حتى لو بتتزين لزوجها مابتكلف على نفسها>>> لانه لبسها المعتاد في البيت..

اما الرجال صعبه يقعد بثوبه وشماغه وكشخته في البيت..:s-129:

وهذا رايي..

%%الأختلاف بالراي لايفسد للود قضيه%%

أمــــــير الــذوق

15-03-2006, 04:45 AM

اختي العزيزة ملقوفة انا اتفق مع اخي Private بأن المرأة هي المسؤولة عن مظهر زوجها بل انه العكس فا المرأة دائما تكشخ خارج المنزل بعكس الرجل تجدينه في كل مكان كاشخ ومشكورة على الموضوع المميز

ساعي البريد

16-03-2006, 05:42 AM

انا كلامي ورأيي من رأي الأخت دجاجة منتفة

واتفق انا وياها في هذه النقطة

وبعدين كشخة الرجل وشي ثوب نظيف وشماغ مكوي
يعني في البيت لو ما لبسها ماراح تغير من مظهره كثير

اما المرأة خلها تطلع لي بدون مكياج وكحل <<< كان ورقتها من بكره وهي عند اهله ههههههههههه

امزح عاد مو لذا الدرجة

تحياتي لأحلى ملقوفة وأحلى موضوع

خوك ساعي البريد ...

ملقوفه2030

17-03-2006, 09:45 AM

يسلموووو لكل اللي تفاعلووو مع الموووضوووع .....

طيب يالله عطونااا سؤالكم يالتماسيح <<<تتحرش ححححححححححححححححح

%%الأختلاف بالراي لايفسد للود قضيه%%

سلااااااااااام خالتكم

أسير عيونكـ

19-03-2006, 09:52 PM

كلاااااااااااااامك عسللللللللللللل ياساعي
وانا من المؤيدين لكلام ساعي

اما السؤال فانا من رأيي انه اول شئ يكون من المراقبين او الاداره عشان نشوف اسئلتهم الحلوه

سلاااااااااااام ملقوفه على الموضوع المميززززززززز

عسولة2030

21-03-2006, 10:33 PM

بصراحه موضوعك ياخالتو مره ممتع وفكرته جديده ومميز,,
وحلو سؤالك للتماسيح المزركشه خخخخخخخخ

اما السؤال فانا من رأيي انه اول شئ يكون من المراقبين او الاداره عشان نشوف اسئلتهم الحلوه
واايد اخوي اسير على هالفكره,,

وبإنتظاااار سؤالهم ,,,<<ماسكه اعصابها تخاف يكون صعب هع
وشكر عنييييييييف مرع اخرى لاحلى خاله ,,

تشااااااااااو*

ll 3body ll

21-03-2006, 11:21 PM

طيب اووريكم << يهدد ههههههههههههه
ابدور اي سؤال شاغل فكر الشباب واسدحه هنيا
سلااااااااااام

ll 3body ll

23-03-2006, 06:53 PM

هذا سؤالنا هع <<< مازرفه خخخخخخخخخ

لماذا تكون وراء كل فاتورة هاتف ثقيلة امرأة

private

24-03-2006, 02:22 AM

انتشـرت في السنوات الاخيـره عبـايه تعرف
[[ بالعباية المخصـره ]]
وما الهـدف من لبسهـا ؟ ومالمقصـد من ذلك ؟
كامل الاعتذار للعضوات مقـدما على طرح السؤال
وخالص الحب والاحترام .

ملقوفه2030

24-03-2006, 02:24 AM

اخيرا احد سأل مابغيتووووو <<خانقته العبره حححححححححححححح

لي رجعه مع الرد على سؤالك ...............

ومشكووووور خيووو برايفت على السؤال ..والتفاعل مع المووضوووع بتاعي

سلااااام خالتكم...

لملم جروحك

24-03-2006, 03:05 AM

ههههههههههههه قسما بالله ما شفت هالموضوع .. خالتي العذر والسموحـه .
واذا ما سامحتيني انتي الخسرانـه .؟
<<عنده كم سؤال يالله بسرعـه ردوا على سعال برايفت .؟
تسلمين يالغلا .
احترامي وتقديري

كفكف دموعكـ

24-03-2006, 04:45 AM

برايفت روعهـ سؤالكـ
صاروخ أرض ارض جو

ll 3body ll

24-03-2006, 09:40 PM

وشلي.؟؟؟
جاوبوا على سؤالي تراه رافعن ضعطي
ليش المراه محبه للثرثره الزايده ؟؟

ملقوفه2030

25-03-2006, 08:10 AM

السلااااام عليكم للكل <<جايه مقلعه تجاوب على السؤال...

[[ بالعباية المخصـره ]]
وما الهـدف من لبسهـا ؟ ومالمقصـد من ذلك ؟

الهدف من لبسها لفت الأنتباه ...واظهار الزينه..والتباهي وهذا الشيئ حرمه الله..

بصراحه انا مالقيت لك اجابه غير ذي ...لأني انا ماأيد اللي تلبس هالنوع من العبايات..

يعني انا طالعه منها ...ولاعندي جواب لشيئ مااسويه والحمدلله ......

واتمنى ان كل بنات المنتدى مايلبسون هالعبايات ....واللي تلبس هالنوع من العبايات تجي

تجاوب على هالسؤال ......
=====================================
عبووودي يالمطفووق وشبك مستعجل اصبر خلنا نجاوب على سؤال خيووو برايفت
وبعدين حنا نسأل وتجاوبون وبعدين تحط سؤالك ياشاطر شكلك مضيع...
=====================================

واتمنى يأخ برايفت عجبك جوابي وكفاااااااك واذا ماكفى انتظر اجوبة باقي البنوتات .....

سلااااااااام خالتكم....

ليل المواجع

25-03-2006, 08:42 AM

ما الهـدف من لبسهـا ؟ ومالمقصـد من ذلك ؟

انا مع اختي ملقوفه ..حب لفت الانتباه عند بناتنا الله يهديهم

وبما أني ماألبسها ولله الحمد ماأدري وش يقصدون من وراها

مع أني إلي أعرفه أن العباه تنلبس لتستر أما الحين العباه تنلبس لتجذب

ولكن ,, السؤال الحقيقي هنا

وييييييييييييييييييين أهاليهم ؟؟

بأذكر لكم قصه للفائده فقط :

بيوم من الايام كنت بالسوق بأحد المجمعات ودخل وقت الصلاه المهم رحت مصلى الحريم
وبجنبي وحده الله يهديها كانت عباتها من هالنوع الملفت ,, ماقدرت أتركها بعد ماشفتها بهالحاله
كانت قمه في التبرج ,,المهم كلمتها عن عباتها.. ماقالت إلا الله يجزاك خير بس تبين الصدق انا
ماأتخيل شكلي بعباة راس لأن يطلع شكل الوحده مو حلو ! ,, انا بخاطري كان ودي أضحك بس أحتراما
لها ولرأيها رديت : ولمين تبين تتزينين بالسوق .. لغير محارمك حرام أحد يشوف طرف شعره منك
فما بالك بإللي أنتي مطلعته ,, مالقت جواب البنت : قالت جزاك الله خير وقامت .
بعدها طلعنا سوا تقريباً من المصلى وما أمدانا نفترق إلا أسمع بنت تصارخ ..كانت هي البنت إلي كلمتها
تعرض لها أحد الشباب وجات الهيئه .. ..الله لا يفضحنا ,, ,,
الحين السؤال .. تتوقعون لو أنها لابسه العباه الساتره (عباة الراس) كان فيه أحد بيتجرأ يتعرض لها ؟؟

لك كل الشكر أخوي برايفت على طرح السؤال

وعذراً على الاطاله

أختكم

كاتمة العبرة

غرام احباب

25-03-2006, 07:19 PM

اللهم أكفنا شر الفتن

كلام ملقوفة وكاتمة شافي مرهـ .

دندوشه2030

28-03-2006, 03:26 PM

كلاااااااامكم ينقط عسل

كتوومه وملق لق والله انكم صااااادقين

أنا أكرهـ ماعندي عباية الفراااشه بااايخه واللي تلبسه الحمدلله والشكر شكله غلط

كأنها تبي تطييير <<< ماعليكم من كلامي بس غصب علي

وانا رأيي ان بعض البنات اللي يلبسوون كتف عاديه ومافيها شي عادي

لانه بيبين مين اللي تبي تتزين وتلبس مخصر من اللي لابسه عبايه كتف محتشمه ومافيها شي

وتكوون شيلتها زينه وساتره
موب قصيره ورقبتها طالعه وخصل شعرها طالعه

ما أقول الا الحمدلله ان عندنا أهل

ويسلموو برايفت على طرح هالسؤال

ملقوفه2030

31-03-2006, 09:02 PM

يالله يابنوتاااااات نبي اسألتكم .....

عزوز

31-03-2006, 09:06 PM

طيب عندي سؤال ليش البنت تحب السوق<<<< ودي أقهركم بها السؤال اللي أكيد طفشكم ...

"..wALiD.."

06-04-2006, 06:22 AM

الشكر موصول للجميع على الاجابه على السؤال .
خالص الحب والاحترام .

ملقوفه2030

10-04-2006, 01:43 PM

بسم الله الرحمن الرحيم...

جايبه لكم سؤال يحبه قلبكم هع هع ححححححححححححححححح:s-38:

وهالسؤال محيرني ومحير كثير من الناس وخاصتن الشيبااان هع هع....:s-9:

سؤالي يقووول <<<ترا السؤال يتكلم ويطرح نفيسته حححححححححححح:s-66:

س: ليش الشباب طايحين لي بموضة الثياب المخصره :s-130: طيحه اووووب صاحيه هم طاحو
ولا قامو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.......؟؟؟؟؟؟؟ ؟؟؟؟؟

اتمنى الكل يجاوب عشان نشوف اراااء الكل ووجهات نظركم .....:s-116:

ولاتفهمونا غلط يالشباب .....اوكيشن ...:s-35:

يالله سلااااااااااااام خالتكم....انتظر اجاباتكم على احر من الجمر البارد<<<دباشه ححححححححح

نايف

10-04-2006, 03:30 PM

اشوف انه ماله داعي

وعلى فكره هذي الشغلات مايسويها الا الملحج و اتوقع اشكالهم واضحه

بعدين انا ماشفت الاواحد او اثنين وزي ماقلت ملحج

ملق الله يعطيك العافيه

ارق تحيه

~*¤ô§ô¤*~*¤ô§ô¤*~نايف (911)~*¤ô§ô¤*~*¤ô§ô¤*~

ملقوفه2030

10-04-2006, 03:40 PM

يسلموووو خيوووو نايف على الرد ......

انا اختلف معك بأنهم قليلين لأني اشوفهم كاثرين هاليومين ..

وهذي وجهة نظر تحتمل الخطأ والصواب خيوووو....

وننتظر اجوبة الباقين من التماااااسيح .....

سلاااااااام خالتكم...

كفكف دموعكـ

11-04-2006, 03:11 AM

الثياب المخصرة لأناس معينين فقط ( خكري بالعربي )
يعني مو معقوله يلبسها واحد عاقل ومتزن ويقابل ناس لهم قيمة
تلقينه يا طالع لسوق ويبي يتميلح ويشد الانتباهـ عليه على ايش ما ادري
والا تلقينه مع الخيل يا شقراء
شاف الناس المتخلفه لابسه ولبس وهو ما يشوف الطريق
ولا يفكر هل هذا الشي صح او مو صح

اعتقد الاعتدال باللبس هو الأكثر بين الشباب
وما ذكرتي آنستي
<<<<<<<<<< وين طلعت منه انستي
ما ذكرتيه لا يمثل غالبة الشباب
كونه يمثل نسبة معينه ومحددهـ منهم

ولكـ خالص احترامي
آنستي
<<<<<<< انبسط منها عاجبته

ملقوفه2030

11-04-2006, 03:48 AM

يسلمووووو آنسي <<<مع الخيل ياشقراء هع هع

حححححححححححححححححححححححححححح

انا ماقلت كل الشباب يلبسون مخصر بس هناك فئه
كثيرهـ تلبس الثوب المخصر يعني مانقول قله ..

وياكثرهم اللي يتميلحون بالسوق ....
وهم موب قادرين يتحركون حتى النفس بالياله يتنفس...

وتبقى هذي وجهة نظر ....

ومشكووور خيوووو برطمناااا على المرور العسل ...والقشطهـ

وننتظر رد باقي الأعضاااء وخاصتن برايفت <<<تحتك حححححححححح

سلاااااام خالتكم...

"..wALiD.."

11-04-2006, 04:21 AM

|--*¨®¨*--|الغالية ملقوفة .|--*¨®¨*--|
هم اقلية بدأت تتكاثر . وعاده للاسف غريبه على المجتمع .
ولا اخفيـك ان بعض الشباب اكثر نعومة من البنات
من جميع النواحي . في المظهر الداخلي والخارجي .
حقيقه هي ظاهر انتشارت بين طلاب المدارس للاسف .
اسبابهـا
لكن البعض يعلل بأن الخياط هو السبب .
يبغى يكحلهـا اعماهـا .
والسبب الثاني اعتقد تقليد اعمى كعادتنا
دائم نأخذ الجانب السلبي من غيرنـا .
ونترك الجانب المهم الايجابي وبكل أسف .
لكن اهم الاسباب واعتبرها رئيسي غياب دورالاسره في تنشئه الابن
تنشئه اجتماعيه صالحة .
والابن يتحمل دور كبير في ذلك .
دمتي ودام تميزك
ارق التحايا واعذبهـا

ملقوفه2030

11-04-2006, 04:55 AM

يسلموووو خيوووو برايفت على المرور العسل ....

وفعلآ كلامك صحيح يكثرون بالمدارس ....الله يهديهم...

لكن البعض يعلل بأن الخياط هو السبب .
يبغى يكحلهـا اعماهـا .

8
8
صدقت بقولتك الظاهر كلهم عذرهم كذا ....مرهــ واحد يقرب لي ...قالهـ ابوهـ ليش ثوبك ضيق
قام يلعن ويسب الخياط ويقول هو اللي سواهن كذا انا ماقلت لهـ وهو يفقش....

مشكووووووور على المرور..خيووو برايفت...

سلااااااااااااام خالتكم...

سلطان الذوق

12-04-2006, 05:23 AM

انا اشوف التقليد الاعمى
هو السبب والصراحة كلام برايفت صحيح
ويسلموووووووووو ملقوفة

ملقوفه2030

16-04-2006, 02:55 PM

اشكر كل من تفاعل معي بالموضووووووع والسؤال...

وننتظر اسألة الشباب ..؟؟؟؟؟....

يالله ياشباااااااااااب عطونااااااااا اسألهـ ...

"..wALiD.."

18-04-2006, 02:36 AM

الغالية ملقوفة .
(ان الله جميل يحب الجمال . )
لكن انتشر في الآونه الاخيرة من البعض وليس الكل
عندما يتقدم شخص لخطبة الفتاه حرص الفتاه الشديد
على ان يكون المتقدم لخطبتهـا على درجه عالية من
الوسامة (الاهتمام بالمظهرالخارجي ) بعض النظر عن
خصال اخرى تتعلق في الدين اواخلاقه او رجولته ؟
في نظرك السبب في ذلك .
دمتي عزيزتي
ارق التحايا واصدقهـا .

ملقوفه2030

18-04-2006, 06:22 PM

بصراحهـ الجمال مهم والشكل شيئ اساسي مو لازم جميل بس مقبول ...

وهذا شيئ من حق المرأهـ ...

بس انا عن نفسي مو مهم عندي الشكل زي الأخلاق والدين والطيبهـ ...

ويمكن البنات في هالوقت مو زي قبل يعني ...تغيرت نظرتهم..

وصار الجمال...اهم شيئ عندهم ..مايدرون
ان الجمال يروح لاكبرو بس الدين والأخلاق تبقى...

يمكن السبب ان العين تعشق كل جميل ..يعني حتى الشباب يهتمون بالشكل...

وامي عندي الله يطول بعمرهـ وسالتهـ وقالت من هالمغريات اللي بالتلفزيون ..

والله امي جابت الجواب ...تعجبني الوالدهـ...

ويسلموووو خيووو الغالي برايفت على تفاعلك مع المووضووع ....

واتمنى من البقيهـ التفاعل ......:)

سلااااااااااام خالتكم...

"..wALiD.."

19-04-2006, 03:27 AM

|--*¨®¨*--|الغالية ملقوفة .|--*¨®¨*--|
رد مثالي ومنطقي .
شاكر لك والشكر موصول لوالدتـك الله يعطيهـا طوله العمر .
ويخليهـا لكم يارب ويمتعهـا ربي على طاعتـه.
اصدق التحاايا .

لاتلــومونه2030

23-04-2006, 07:12 AM

اجابتك في غــــــــــــــــــاية الرررروعه تسلمين بنت عمووووووووووو

يالله بسرررعه أحد يسأل من الشباب

<<< متحمسه وده تجاااااااوب

ملقوفه2030

24-04-2006, 03:10 PM

بنت عموووو الله يصلحتس الحييين دورنااا حناااا نسأل ....8_8

يالله يابنوتااااااااااااااات وحدهـ منكم تسأل اووووووووب بس أناااا..؟؟؟؟...؟؟؟

ترم ترم

24-04-2006, 03:37 PM

مشكووووووووووووووووووووووور ه ملقوفة على الموضوع ...
لكن عندي سؤال ليه بعض الزواجات يغارون من ازواجهم لدرجة انها تغار من ام الزوج وهذي ظاهره منتشره في كثير من الزواجات والغيرة ميزه حلو لكن ماتوصل لكذا يالله يالجنس الناعم عطونا ردودكم ولا من جنس التماسيح كان عنده خلفيه يجاوب ؟

عسولة2030

08-05-2006, 05:54 AM

اول شئ يااخالتو ملق وجهة نظرك زيي تماااااااااااااااااااااااام ,,

وتعجبني امك والله وجابتها هههههههههه
هذا اللي يجينا من هالتلفزيوون اشوى إني ما احبه ههههههه

اما بالنسبه لك يا اخوي ترم عن الغيره بالزووجات,,,فهذا شئ وارد ,,
يعني يمكن الزووج ضايق زووجته من كثر مايقوول لها اهم شئ امي ..
اهم شئ امي ... اهم شئ امي ...اقوووووووول رووح ياعمي هههههههه

وطبعا الزوجه تبغى الدلال من زووجها وتنقهر لما تشووفه ما عطاها وجه وطاير بامه ؟؟؟؟؟؟؟؟ كذا تغااار اكثر واكثر ,,,
هي زووجتك ولها حق عليك مثل امك واكثر بعد ,,,,

<<<<ليه فيه شئ بينك وبين المدام هههههههههههههههههههههههه

الله لايجيب الزعل بينك وبينه ,,,

وعلى فكره انتم يالجنس الخشن هههههههه تغاروون من اهل الزوجه !!!
والله مادري هو بس ازوواج خواتي او كلكم يالتماسيح هههههههههههههه
يعني فسرووها لي تتميلحوون ههههههههههههههههههههههههه

والله وكان ودي اسالهم ياخلتو ملق بس راسي فاضي للحين ماحقدت ههههههه

تشاو*,,

ملقوفه2030

08-05-2006, 08:27 AM

ححححححححححححححححححححححححححححححححححححححححححححح

عسوووووووووووووله وش فيك ثايرهـ ححححححححححح الله يصلحك بس

انا من وجهة نظري اخوي ترم ترم ان الزوجااات اللي يغارووون ماعندهم سالفهـ...

وشلوون تغار من امه وهي امه المفرووض تكسبهاا وتحبهاا عشان زوجهاا لما يشوفهاا تعز

امه وتغليهااا بيحترمهاا ويقدرهاا لأنهاا تقدر امه .....

وبعدين الأم هي كل شيئ اذااا مايهتم فيهاا بيهتم بمين ؟؟؟؟؟؟؟؟؟؟؟؟؟

والله انا عندي يهتم بأمه ....واللي بتغااار تغاااااار مشكلتهاااا ......

وانا ماقد شفت بين اوسااط عايلتي وحدهـ تغار من ام الزوج .....

وخلااااصة الحكي اللي تغار من امك .... ماتعرف وش معناة الغيرهـ اصلن ...

ويسلمووو اخواااااااني على تفاعلكم... مع المووضوووووع...